E departamentu di Inspekshon di kuido di Salu ta informá ku Pain Clinic, situá na Pos Cabai, no ta disponé di un pèrmit pa operá un sala di operashon, a base di e ordenansa “Landsverordening zorginstellingen” (P.B.2007 no.19).
E departamentu di Inspekshon di kuido di Salu ta informá ku Pain Clinic, situá na Pos Cabai, no ta disponé di un pèrmit pa operá un sala di operashon, a base di e ordenansa “Landsverordening zorginstellingen” (P.B.2007 no.19).
Pain Clinic no ta disponé di un pèrmit tampoko pa hasi niun tipo di operashon.
Esaki ta ensera ku pa lei, Pain Clinic ta prohibí pa por tin un sala di operashon i hasi operashon.
Pain Clinic tin solamente un pèrmit pa duna tratamentu spesialisá riba e tereno di kombatimentu di doló. Den kuadro di esaki, pashèntnan por keda interná te ku un máksimo di 24 ora.
Pain Clinic no tin pèrmit pa hasi otro saminashon òf duna tratamentu médiko ku no tin di aber ku kombatimentu di doló.
Pa mas informashon por tuma kontakto ku Inspekshon di salu públiko, serka señor G.A. Rodrigues Pereira, Inspektor di Salubridat, na telefon no:6867679.